ஆங்கிலவழிக்கல்வி வந்ததால் ஏற்பட்ட கேடுகள் பல. அவற்றில் ஒன்று தமிழகத்தின் பல பகுதிகளிலும் வழங்கிவந்த குழநதைப் பாடல்கள் (பலபேருக்கு நர்சரி ரைம்ஸ் என்று சொன்னால்தான் புரியும்) மறைந்து போயினமை. எனக்குத் தோன்றியவரை சில நாட்களுக்குத் தமிழ்க் குழநதைப் பாடல்களை இந்தத் தளத்தில் பிரசுரிக்க எண்ணம்.
இன்றைக்கு ஒரு பாட்டு.
நிலா நிலா எங்கே போற?
மலைக்குப் போறேன், மலைக்குப் போறேன்
மலைக்கு எதுக்கு?
மரம் வெட்ட.
மரம் எதுக்கு?
சொப்புச் செய்ய.
சொப்பு எதுக்கு?
காசு போட
காசு எதுக்கு?
மாடு வாங்க
மாடு எதுக்கு?
பால் கறக்க
பால் எதுக்கு?
நீ குடிக்க, நீ குடிக்க.