ஓர் ஆங்கிலநாட்டு டாக்டர் சொல்கிறார்: “எங்கள் நாட்டில் மருத்துவம் மிக நன்றாக வளர்ந்துள்ளது. எங்களால் ஒரு மனிதனின் ஈரலைக்கூட மற்றொருவருக்கு வைத்துவிட முடியும். ஆறு வாரங்களில் அந்தமனிதர் எழுந்து வேலை தேடிச்செல்வார்”
ஜெர்மன் டாக்டர் சொல்கிறார் : “இது என்ன பிரமாதம்! நாங்கள் ஒரு மனிதனின் மூளையின் ஒரு பகுதியையே எடுத்து மற்றொரு மனிதனுக்கு மாற்றிவிடுவோம். நான்கே வாரங்களில் அந்த மனிதன் வேலை தேடச் சென்றுவிடுவார்.”
ரஷ்ய டாக்டர் சொல்கிறார் : “நண்பர்களே, நாங்கள் ஒரு மனிதனின் இதயத்தில் பாதியை எடுத்து மற்ற ஒருவருக்குப் பொருத்தி விட்டோம். அவர் இரண்டே வாரத்தில் குணமாகி வேலை தேடிச் செல்வார்.”
அமெரிக்க டாக்டர் சிரித்தார் : “நீங்கள் எல்லாரும் எங்களுக்குப் பின்னால்தான். சில ஆண்டுகளுக்கு முன்பு ஈரலோ, மூளையோ, இதயமோ இல்லாத ஓர் ஆளை நாங்கள் ஜனாதிபதியாகத் தேர்ந்தெடுத்தோம். இப்போது நாட்டு மக்கள் அனைவருமே வேலை தேடிக் கொண்டிருக்கிறார்கள்.”